મળતી માહિતી મુજબ, વાપી જી.આઈ.ડી.સીમાં
છેલ્લા ચાર વર્ષથી એક કંપનીમાં હંગામી ધોરણ મજૂરી કામ કરતો 55 વર્ષીય મૃતક
પાંડુરંગ બાબુ શિંદે ગાસડી ટેમ્પામાં નાખી રહ્યો હતો તે દરમ્યાન ગાસડી નીચે દબાઈ
ગયો હતો. જોકે તે દબાઈ ગયો છે અને મોતને ભેટ્યો છે તેની જાણ કંપની સંચાલકોને કેમ ન
થઈ તે બાબતે શંકા સેવાઈ રહી છે. સવારે પણ તે કામ પર ન આવ્યો તે છતાં કંપની તરફથી
કોઈ તપાસ કરવામાં આવી ન હતી. અન્ય મજૂરોના મતે જ્યારે તેઓ કામે આવ્યા ત્યારે સવારે
મૃતકનું હેલ્મેટ બાજુમાં પડેલું જોયું ત્યારે ખબર પડી કે તેમનો સહકર્મચારી
ગાસડીમાં દબાઈને મોતને ભેટ્યો છે. ત્યારે તેની જાણ કંપની સંચાલકોને કરવામાં આવી
હતી.
રાત્રિ દરમ્યાન બનેલી આ ઘટનાને કારણે
મ઼ૃતદેહ નાના મોટા પરભક્ષીનો ભોગ બની ગઈ હતી. જેમાં તેઓ કાનનો ભાગ કરડી ગયા હતા. આ
ઘટના બાદ કંપની સંચાલકો જણાવી રહ્યાં છેકે મૃતક વેસ્ટ પેપર ગોડાઉનમાં સાફ સફાઈનું
કામ કરતો હતો. અને સાફ સફાઈ કરવા માટે જ ત્યાં ગયો હતો. કંપનીએ પોતાની નૈતિક જવાબદારી સમજીને પરિવારજનોને અમુક રકમની સહાય આપવાની વાત કરીને પોતાની બેદરકારી છુપાવાની કોશિષ કરી રહી છે તેમ સુત્રો જણાવી રહ્યાં છે. આ મામલે વાપી જી.આઈ.ડી.સી
પોલીસે અકસ્માતે ગુનો નોંધીને આગળની તપાસ હાથ ધરી છે.
Tejas Desai, Reporter, Vapi
Rakesh Panchal, Published By CNA Team, Editor.Charotar@gmail.com
