રાજકોટમાં રહેતો અને કાલાવાડ તાલુકા
પંચાયતમાં છેલ્લા પાંચ વર્ષથી ટી.એલ.ઈ તરીકે ફરજ બજાવી રહેલા યુવક પ્રતિક સંઘવી પ્રજાલક્ષી
કામ કરવાની ઈચ્છા સાથે અનોખું કરવાનો સંકલ્પ કર્યો અને કાલાવાડની તમામ ગામોની
વેબસાઈટો બનાવી દીધી અને કાલાવાડ તાલુકાને દેશનો સર્વપ્રથમ ડોટ.કોમ તાલુકો બનાવી દીધો. આ
બનાવેલી તમામ વેબસાઈટો એક જ દિવસમાં ઓન લાઈન કરી દીધી. જેની નોંધ ઈન્ડિયા બુક ઓફ
રેકોર્ડમાં લેવામાં આવી અને તેને નેશનલ રેકોર્ડ હોલ્ડરનું બીરૂદ આપવામાં આવ્યું
છે.
આ અગાઉ પણ પ્રતિકે એક એવો ચાર્ટ બનાવ્યો
હતો. જેમાં 1 અંકથી લઈને 15625 અંકોનો તમામ સાઈડનો સરવાળો સરખો થઈ જાય. તે માટે પણ
આ યુવકને ઈન્ડિયા બુક ઓફ રેકોર્ડમાં સ્થાન મળ્યું હતું. જેથી અત્યાર સુધીમાં
પ્રતિકના બે અલગ અલગ કેટેગરીના રેકોર્ડને ઈન્ડિયા બુક ઓફ રેકોર્ડમાં સ્થાન મળ્યું
છે. જે ગુજરાતમાં પ્રથમ વખત બન્યું છે.
ગુજરાત અને દેશમાં એવો કોઈ તાલુકો નથી જેમાં દરેક દરેક ગામની સંપૂર્ણ માહિતી આપે તેવી ગામની પોતાની અલગથી વેબસાઈટ હોય. પરંતુ આ યુવકે દ્રારા બનાવેલી દરેક ગામની પર્સનલ વેબસાઈટમાં જે તે ગામની
વેબસાઈટ ખોલવાથી તેમાં તે ગામના ફોટા,
ગામની વસ્તીની માહિતી , ગામના મતદાર , ગામની આંકડાકીય તમામ માહિતી ઉપલબ્ધ છે.
ચુટાયેલા સભ્યો , સરપંચની માહિતી , મંત્રીની માહિતી અને ખાસ એક ફરિયાદ નામનું ઓપ્સન પણ છે.
News Published By CNA TEAM, For Further Enquiry Mail To Editor.Charotar@Gmail.com
