આજે શિક્ષક દિને જાણ ઉમરેઠના ધારાસભ્ય જયંભાઈ બોસ્કી
નગરપાલિકાને પાઠ ભણાવાના ઈરાદે અનસન પર બેસી ગયા છે. પ્રજાજનો પાલિકાના કામકાજ તેમજ વારંવાર ઉજાગર થઈ રહેલા કૌભાંડથી ત્રસ્ત હતી. જેથી પાલિકાના વિરોધમાં ધારાસભ્ય અનસન
ઉપર બેઠા છે. અને તે સાથે અનસન રેલીનું પણ આયોજન કર્યું હતું.
ઉમરેઠ પાલિકા વર્ષ 2012માં માટી અને વર્ષ 2013માં સિમેન્ટના કારણ ચર્ચામાં રહેવા પામી છે. જેથી આ બેહિસાબી કૌભાંડોથી કંટાળેલી પ્રજા સતત વિરોધ નોંધાવતી આવી છે પરંતુ આ વખતે ઉમરેઠના ધારાસભ્યને પણ અનસનનો સહારો લઈને વિરોધને મજબૂત કરવાની ફરજ પડી છે.
ઉલ્લેખનીય છેકે ચાલુ વર્ષ ઓગષ્ટ મહિનામાં આણંદ જિલ્લાની ઉમરેઠ નગરપાલિકાના પૂર્વ ચીફ ઓફિસર તથા શહેર ભાજપ
પ્રમુખ અને એપીએમસીના ચેરમેનના મેળાપીપણામાં વર્ષ ૨૦૧૧માં પુરવઠા વિભાગ પાસેથી
નગરપાલિકાના બનાવટી સહી સિક્કા બનાવીને સસ્તા દરે સિમેન્ટ ખરીદીને ઊંચા ભાવે
બજારમાં વેચી દેવાનું કૌભાંડ બહાર આવતા હાલના ચીફ ઓફિસરે કલેક્ટરના આદેશ અનુસાર
ઉમરેઠ પોલીસ મથકે ફરીયાદ નોંધાવતા આ બાબતની વધુ તપાસ આણંદના પ્રોબેશ્નલ ડીવાયએસપી
ફાલ્ગુની પટેલને સોંપવામાં આવી હતી અને ત
વખતે જિલ્લાના રાજકારણમાં ભારે ગરમાવો આવી
ગયો હતો.
આ ઉપરાંત વર્ષ 2012માં એપ્રિલ મહિના દરમ્યાન ઉમરેઠ નગરપાલિકા હસ્તકના તળાવોમાંથી ગેરકાયદેસર રીતે માટી ઉપાડીને પોતાનાં મળતિયાઓને બારોબાર ખાનગી ઉપયોગમાં આપી દેવાતાં ભારે હોબાળો મચી ગયો હતો. આ અંગે જાગૃત નાગરિકોએ ઉમરેઠ મામલતદાર, ચીફ ઓફિસર, પોલીસ, ખાણ-ખનિજ વિભાગનું ધ્યાન દોરવા છતાં અધિકારીઓએ આંખ આડા કાન કરી દેતાં નગરજનોમાં ઉગ્ર રોષની લાગણી ફેલાઈ હતી
ફોટો - ઈમરાન કાઝી, દાતાશ્રી રિતેષ પટેલ
ફોટો - ઈમરાન કાઝી, દાતાશ્રી રિતેષ પટેલ
