વર્તમાન સમયમાં દૂધ ઉત્પાદનનો સ્વર્ણિમ
યુગ ચાલી રહ્યો છે તો બીજી તરફ જીવનજરૂરી દૂધે આમ આદમીની ચિંતામાં વધારો કર્યો છે.
તેવી પરિસ્થિતિમાં અમૂલના ટોચના અધિકારીઓ જણાવી રહ્યાં છે કે હજુ પણ લોકોએ દર
વર્ષે દૂધમાં આઠથી દસ ટકાના ભાવવધારા માટે
તૈયાર રહેવું પડશે.
દૂધના ઉત્પાદન અને ખરીદીમાં વૃદ્ધિ નોંધાઈ
રહી છે. પરંતુ ઉત્પાદન ખર્ચમાં જે વધારો થઈ રહ્યો છે. તે ધ્યાનમાં લેતા પશુપાલકોનું
વળતર વધારવા માટે વધારા થતાં જ રહેશે.ઉલ્લેખનીય છેકે અમૂલના ટોચના અધિકારીએ ગાંધીનગર ખાતે એગ્રીકલ્ચર સમિટમાં નિવેદન કરતાં જણાવ્યું હતું કે આવનારા દિવસોમાં પ્રજાની પરેશાની વધશે.
ગુજરાત કો-ઓપરેટિવ મિલ્ક માર્કેટીંગ
ફેડરેશનના મેનેજિંગ કિરેક્ટર આર.એસ.સોઢીએ જણાવ્યું હતું કે આવનારા વર્ષોમાં દૂધના
ભાવમાં પ્રતિ વર્ષ સરેરાશ આઠથી દસ ટકા જેટલો વધારો થતો જ રહેશે.તેમણે કહ્યું હતું
કે દૂધનો ઈનપુટ ખર્ચ સતત વધી રહ્યો છે. ત્યારે આ પ્રકારે ભાવ વધારો જરૂરી છે. આ
વર્ષે અમ દૂધ ખરીદીમાં લગભગ 13 ટકા વધારા સાથે સરેરાશ દૈનિક 150 લાખ લિટર દૂધ
પ્રાપ્ત કરીશું. તાજેતરમાં અમે દૈનિક 160 લાખ લિટરથી વધુ પ્રોક્યોરમેન્ટ પણ
નોંધાવ્યું હતું
તેમણે કહ્યું હતું કે હાલનો સમય એ દૂધના
ઉત્પાદનનો સ્વર્ણિમ યુગ છે. દૂધના પ્રોત્સાહક ભાવો મળવાથી નવી પેઢી પશુપાલન સાથે
જોડાઈ રહી છે. નિ:સ્વાર્થ અને ઈમાનદાર લીડરશિપએ
સહકારીક્ષેત્રનું મજબૂત પાસું રહ્યુ છે
અને નવાં સમયમાં સારી ટેક્નોલોજીનો ઉપયોગ વધારવાથી ડેરી ક્ષેત્ર વધુ સારી કામગીરી
કરી શક્શે. ગુજરાતના 42 લાખથી વધુ પશુપાલક પરિવારો રાજ્યની સહકારી મંડળીઓ સાથે
સંકળાયેલા છે.
