નડિયાદમાં બબીતાનો ઈન્તજાર

નડિયાદમાં  કોલજ રોડ વિસ્તારમાં  સંગાથ પાર્ટી પ્લોટની સામે બંસરી ગૃપ આયોજીત નવરાત્રિ દરેકનું આકર્ષણ બની રહેશે. બંસરી ગૃપ દ્રારા આ વર્ષે ત્રીજી વખત નવરાત્રિ મહોત્સવનું આયોજન થઈ રહ્યું છે. જેમાં વિશ્વનું પ્રચલિત તરણેતર માલધારી કનૈયા રાસ મંડળ ધૂમ મચાવશે તેની સાથે હિન્દી ટીવી સિરીયલ અને બોલીવુડની પ્રખ્યાત અભિનેત્રીઓ આવશે.

આયોજકોના જણાવ્યા અનુસાર, બંસરી ગુપ દ્રારા ત્રીજી વખતે નડિયાદ ખાતે સંગાથ પાર્ટી પ્લોટની સામે નવરાત્રિનું આયોજન થયું છે. આ વખતે સુરક્ષાની દ્રષ્ટ્રિએ સવિશેષ મહત્વ આપવામાં આવ્યું છે. જેમાં પ્રાઈવેટ સિક્યુરીટીની સાથે બાઉન્સર ખડેપગે ઉભા રહેશે. ઉપરાંત જે લોકોને ફોટા પાડવાનો રસ હોય તેમની માટે અલગ પ્રાઈવેટ સ્ટૂડિયો જેવી સુવિધા ઉભી કરવામાં આવી છે. ઉપરાંત કાયદાનું સંપૂર્ણ રીતે પાલન કરવામાં આવશે.

આ ઉપરાંત વિજેતા ખેલૈયાઓ માટે પહેલા અને બીજી ઈનામમાં ટૂ-વ્હીલર હોન્ડા એક્ટીવા વાહન, ત્રીજી ઈનામ એલઈડી ટીવી, ચોથુ ઈનામ લેપટોપ અને પાંચમુ ઈનામ એર કન્ડીશનર આપવામાં આવશે.

આ ઉપરાંત ટીવી અને ફિલ્મની પ્રખ્યાત હસ્તીઓની ઉપસ્થિતિ ખાસ બની રહેશે. 12મી ઓક્ટોમ્બરે હિન્દી ફિલ્મ એબીસીડી અને ઝલક દિખલા જાથી ઘરે ઘરે પહોંચેલી લોરેન હાજરી આપશે. તેની સાથે સૌથી મુખ્ય આકર્ષણનું કેન્દ્ર 13મી ઓક્ટોમ્બરે તારક મહેતાના ઉલ્ટા ચશ્માની અભિનેત્રી બબીતા બની રહેશે.

આયોજકોના મતે પ્રારંભિક તબક્કે વરસાદને કારણે સામાન્ય મુશ્કેલી પડી હતી. તેમ છતાં પૂર્વનિયોજિત પ્રમાણે સંપૂર્ણ કામગીરી સંપૂર્ણ થઈ છે. જે પ્રમાણે યોગ્ય પાર્કિંગ વ્યવસ્થા તેમજ બેઠક વ્યવસ્થા સુવિધાજનક થવા પામી છે. ( નીરવ સોની, રિપોર્ટર, નડિયાદ )

Article Written By Rakesh Panchal, 
Published By CNA Team, Editor.Charotar@gmail.com