નડિયાદમાં ખેલૈયાઓ નહીં થાય નિરાશ

આજે મંગળવારે નવરાત્રિના ચોથા નોરતે વહેલી સવારે પડેલા ધોધમાર વરસાદે ખેલૈયાઓને નિરાશ કર્યા છે તો આ નિરાશાને દૂર કરવા માટે આયોજકોએ પણ કમરકસી લીધી હોય તેવી કામગીરી નડિયાદમાં જોવા મળી છે. 

નવરાત્રિના ચોથા નોરતે અચનાક પડેલા વરસાદે ખેલૈયાઓને નિરાશ કર્યા છે. ચરોતર પંથકના મોટાભાગના પાર્ટી પ્લોટના ગરબા આયોજકો ચિંતામાં વધારો થઈ જવા પામ્યો છે. તેવી પરિસ્થિતિમા  નડિયાદ શહેરમાં રોટરેક્ટ કલબ નડિયાદ રાઉન્ડ ટાઉન આયોજીત  ગરબા બીટ્સમાં ખેલૈયાઓ નિરાશ ન થાય તે માટે વરસાદ બંધ થવાની સાથે જ આયોજકોએ સાફ સફાઈની જરૂરી કામગીરી શરૂ કરી દીધી હતી.

મળતી માહિતી મુજબ, જે પ્રકારે અચાનકધોધમાર વરસાદ પડ્યો છે. તેને પગલે ગ્રાઉન્ડ ઉપર પાણી ફરી વળ્યું હતું. જેનો સત્વરેનિકાલ થાય અને ખેલૈયાઓને સારું ગ્રાઉન્ડ મળે તે પ્રકારની કામગીરી વરસાદ બંધ થાયત્યારબાદ શરૂ કરી દેવામાં આવી હતી. જેને પગલે આજે રાત્રિ સમય અનુસાર ગરબા બીટ્સમાંખેલૈયાઓ ગરબા રમી શકે તેવી તૈયારીઓ શરૂ કરી દેવામાં આવી હતી.

જોકે પંથકના મોટાભાગના વિસ્તારોમાં વરસાદને પગલે ગરબાની રંગત ઉડી જવા પામી છે. પરંતુ તેમ છતાં અમુક જગ્યાએ આયોજકોની સખ્ત મહેનતના પગલે અમુક જગ્યાએ ગરબા સમય અનુસાર શરૂ રહેશે. ખેલૈયાઓના મતે આ પ્રકારે ગરબા આયોજકો સખ્ત મહેનત કરીને પણ ચોથું નોરતું બગડે નહીં તે માટે જે સત્વરે કામગીરી કરી છે. તે બિરદાવા લાયક છે. 

નડિયાદમાં કોલજ રોડ વિસ્તારમાં સંગાથ પાર્ટી પ્લોટની સામે બંસરી ગૃપ દ્રારા નવરાત્રિ મહોત્સવનું આયોજન થવા થયું છે. ત્યાં પણ  મેદાનને ઠીક કરવા માટે સત્વરે માટી પૂરાણ કરીને ઠીક કરવાની કામગીરી શરૂ કરી દીધી હતી.અને આશા છેકે સમય અનુસાર ગરબા શરૂ થઈ જશે. જેથી ખેલૈયાઓ ચોથા નોરતે મન ભરીને ઝૂંમી શકે.

Nirav Soni, Nadiad

Rakesh Panchal, Published By CNA Team, Editor.Charotar@gmail.com